نریندر مودی کا شکر گزار ہوں جنہوں نے سیلاب سے نقصانات پر افسوس کا اظہار کیا، پاکستانی وزیراعظم

مہر خبررساں ایجنسی نے پاکستانی میڈیا سے نقل کیاہےکہ پاکستان کے وزیراعظم شہباز شریف نے سماجی رابطے کی سائٹ ٹویٹر پر اپنے بیان میں کہا کہ ’بھارتی وزیر اعظم کا شکر گزار ہوں جنہوں نے سیلاب سے جانی و مالی نقصانات پر تعزیت اور افسوس کا اظہار کیا‘۔شہباز شریف نے اس عزم کا اظہار کیا کہ پاکستانی عوام انشاء اللہ قدرتی آفت کے منفی اثرات پرقابو پا لیں گے، اپنی زندگیوں اور معاشروں کی تعمیر نو کریں گے۔

علاوہ ازیں شہباز شریف نے مشکل وقت میں ساتھ دینے اور یکجہتی کا اظہار کرنے پر برطانوی ، کینیڈین وزرائے اعظم اور امریکی حکومت کا بھی شکریہ ادا کیا۔

واضح رہے کہ چند روز قبل بھارتی وزیر اعظم نریندر مودی نے پاکستان میں بارشوں اور سیلاب سے ہونے والی تباہ کاریوں پر افسوس کا اظہار کیا تھا۔